ربيعة غازي ******** حتى أنا مغربي حتى أنا بغيت نعيش راني حاس براسي ميت حتى أنا بغيت ناكل ماكلة سخونة مبغيتش نبات بالجوع حتى أنا بغيت نشرب ماء نقي مابغيتش نموت بالعطش حنى أنا بغيت نلبس حوايج نقيين وممقطعينش راه البرد قهرني حتى أنا بغيت صباط يحميني راه رجلي تنفخوا ودماو بالحفى حتى أنا بغيت نعيش في دار متصب علي الشتا ما يقهرني برد حتى أنا بغيت نقرأ ماشي نبقى جاهل حتى انا بغيت مدرسة حداية ماشي نقطع الوديان والجبال حتى أنا بغيت نلعب راني تقهرت بالخدمة وأنا صغير حتى أنا بغيت تغطية صحية راه المرض هلكني واش أنا ماشي مغربي ؟ حتى نبقى مقصي حتى أنا بغيت حقي في بلادي حتى أنا مغربي
